Chapchar Kut 2011-ah ka 'Hmingpui' nen

Art & Culture Department leh Sub Hqrs. YMA te tangkawpa buatsaih kumin  'Chapchar Kut' hi a nuam hle. Kei pawh Organising Committee lamin Compere atana min rawn beisei ve avangin nilengin ka hmingpui 'H.Lalramliani (Rami)' of Chanmari  nen Thuamluaia Mual, nisa hnuaiah kan va inlar nileng ve a nih kha.

He Kut-a Miss atana thlan Hriati of Lunglawn hi kan Bial Zaipawl, Conductor nia foreign thlenga ka lo  hruai ve hrep tawhah, zaipawl member nilai a ni a, ka chhuang hle asin.

Hei hi a dangdai ve hrim hrim. Tum lawk em em leh ruahman hrim hrim pawh ni lova, hming inang Compere-a awmdun hi thil thleng khat tak a nih avangin kan sawi thui deuh duah a ni. Rami (Ka thiannu) hi AIR Lunglei-a ka thawhpui tho a ni. Kei ni Casual News reader-a awmin, a ni hi Casual Announcer a ni mek bawk.

Ani nen hian hetiang hun pawimawhah hian kan ding dun ve ta nual mai.  Vulmawi Award 2010 kha Saikuti Hall-ah Rami nen vek hian kan 'host' tawh a,  HPC Cup 2011 (a hmasa ber) khan final & closing function-ah amah nen tho hian Compere kan ni dun tawh bawk.