Kan Unau zinga upa ber Rev.B.Zirsangliana ziak 'Theology kalphung hrang hrangte' tih lehkhabu chu 3rd march 2011, 2:00pm khan Lunglei MJA President & Vulmawi Editor ni bawk Pu K.Lalrinpuia chuan Lunglei Press Club-ah a tlangzarh.
He Book release function hi Pu Thuamtea Khawlhring (Rem Remi Pa) chuan kaihruaiin, Preview hun a hmang nghal a. Rev.C.Vanlalhruaia'n hunserh hmangin, MJA President Pu K.Lalrinpuia chuan a tlangzarh a ni.
He hun hi keini chhungkaw tan chuan a hlu hle. Kan family member atanga lehkhabu pangngai ziaka tlangzarh hmasak ber a nih bakah, he lehkhabu hi Mizo tawnga ziak 'Theology lehkhabu hmasa ber' tih theih a ni bawk. He huna sawm bik mithiam leh Lunglei-a mi langsar deuh deuhte an tel a, a duh apiangin thusawina hun an hmang bawk.
THUBELH: Ziak mi chhungkua chu kan ni lo naa, Ka pa hian lehkhabu tih tham deuh pahnih 'Lie down with lions' - Ken follet ziak leh 'Jane eyre' lehkhabu a letling ve tawh bawk. Kei erawh chuan a sawi lam hi ka chak deuh a niang lehkhabu lehlin leh ziak engmah ka la nei ve lo tlats.
No comments:
Post a Comment